Vencendo ao mal tempo, un grupo dunhas corenta persoas achegámonos ata Cotodeira para solicitar ás autoridades públicas que este espazo sexa incluído no LIC do Val do Tea e non sexa obxecto de especulación e explotación brutal ante o desexo da empresa Minor Galicia de querer instalar unha canteira. Os valores naturais, paisaxísticos e patrimoniais merecen un respecto. Estamos na cabeceira das augas que verten ao Tea, o espazo de braña está protexido pola Directiva Habitats e esta área é o habitat natural do lobo, amén de ser un lugar de pastoreo do gando en réxime extensivo e contar cun foxo do lobo de dobre funil. Cremos que son razóns suficientes como para protexer a zona e convertila nun lugar de referencia para os amantes da natureza.
No hay comentarios:
Publicar un comentario