Vista do lado leste de Ponte Caldelas

Esta vista da vila de Ponte Caldelas permite aprezar o límite actual do seu crecemento. Hai unha ruptura moi potente entre o espazo construído e o futuro solo urbanizable. Mentres, entre as leiras, van xurdindo novas vivendas unifamiliares e adosados sen unha aparente ordenación. Os volumes dalgunhas construcións son excesivos. O edificio de fachada de cor crema resulta neste senso moi evidente. Tanto polo seu tamaño como pola estrutura da súa fachada a percepción que nos transmite é de muro. Emprazado nun terreo en plena ascensión o tamaño elixido aínda lle dá un maior protagonismo negativo, deixando pequenos aos inmobles anteriores.