O capitalismo. Conceptos básicos

O capitalismo.
Sistema económico que se caracteriza por:

• O capital é o elemento máis importante do proceso produtivo.
• Propiedade privada dos medios de produción
• O obxectivo fundamental do proceso produtivo é a obtención dun beneficio particular. Máxima liberdade para a iniciativa particular
• Os prezos son fixados segundo a lei de oferta e demanda. O mercado é quen de fixar prezos, salarios.
• O Estado non debe intervir na economía
• O traballo é unha mercadoría máis
• Orixina desigualdades sociais dentro dunha sociedade e entre uns países e outros.

O ideólogo deste sistema económico é Adam Smith que desenvolve os principios do liberalismo económico e da libre competencia. O papel do Estado queda reducido a crear un marco normativo para evitar o abuso, defender o país dun perigo exterior e garantir a orde interior.
Despois da profunda crise de 1929, Keynes demostrou a importancia da intervención do Estado para corrixir os erros do mercado. Ante unha crise o Estado debe combater o paro coa creación de emprego público, aumentar o investimento público, protección dos aforros e do emprego... Froito das súas ideas, despois da 2ª Guerra mundial aparece o Estado de Benestar
Na actualidade está a imporse o neoliberalismo: privatización de servizos públicos, flexibilidade na contratación, deslocalización industrial...